Sun, 05 Jul 2020

Cebuano News: DA nanawagan sa katawhan pagpabalik sa pagpananum

Philippine Information Agency
29 May 2020, 16:38 GMT+10

TAGBILARAN CITY, Bohol, May 29 (PIA) -- "Walay na lain pang mas maayong buhaton samtang nagpalabay sa kwarantina kay sa mananum."

Kini maoy gibungat ni Department of Agriculture (DA) Regional Executive Director Atty Salvador Diputado didto sa labing bag-o nga Kapihan sa PIA nga naghisgut sa ahensya ug sa mga proyekto niini sa panahon nga ang katawhan nagsagubang sa pagtubag sa mga hagit sa coronavirus disease (COVID-19).

HANGTUD MAMALIK SA PAGPANANUM. Matud pa ni Atty. Salvador Diputado, Regional Executive Director sa DA nga daku kaayo og ikatabang ang pagpananum ilabi na niadtong mga trabahante nga nawad-an og kita, aron may ikapangsapal sa kakuwang sa pagkaon. (rahc/PIA-7/Bohol)

Kapihan nga naghandum usab sa mga mag-uuma ug mangingisda nga nagtrabaho isip frontliners sa pagpugong aron dili mapilde ang kadaghanan sa COVID, ang usa ka oras nga programa, nagtutok sa mga programa sa Ahensya subay sa Plant, Plant, Plant ubay sa Food Resiliency Program agi og pagtubag sa mga panginahanglan samtang nagsagubang sa COVID-19.

Niini, matud ni Diputado, kinsa abogado ug mag-uuma, ubos sa pagpangulo ni Agriculture Secretary William Dar, nabugtaw ang ahensya sa pagseguro sa pagkaon, pagseguro sa accessibility niini ug pagseguro sa pagmonitor sa presyo.

Ubos sa pagseguro sa pagkaon, awhag ni Diputado ngadto sa tanan nga mobalik sa pagpananum alang sa pagkaon.

"Padayon gihapon ang produksyon sa pagkaon, bisan sa panahon nga gihagit sa COVID. Alang sa mga walay luna nga katamnan, adunay gitawag og Urban Agriculture ug ang Ahensya andam nga moabag ngadto sa si bisan kinsa nga buot masayud ug makat-on sa pamaagi sa urban gardening," butyag ni Diputado.

Gihingusgan usab sa DA ang Gulayan sa Barangay, diin nag aghat sa tanan sa barangay sa pagbalik sa pagpananum sa pagkaon aron adunay kasaligan nga tinubdan sa pagkaon, matud niya.

Dugang ni Diputado, kinsa na-igo sa lockdown dinhi sa Bohol, nga ilang gipanghagyo ang mga local nga opisyales sa pagpasuporta sa pagpananum, pagtabang sa pagpanguha sa mga liso nga isabud sa mga Municipal nurseries, aron may ikapanghatag sa mga buot namanum.

Ang nananum na lang ang kuwang pa, angkon ni Roman Dabalos, center Chief sa Agricultural Promotions Center (APC), samtang napagawas sa pagtuon nga naa na sa 59 anyos ang average nga edad sa mag-uumang Bol-anon.

"Atong tabangan ang atong Nanay ug Tatay, mobalik ta og hikap sa yuta, samtang ang kagamhanan may igo ngasuporta nga gipanghatag aron makaabag kita sa pagpadaghan sa pagkaon karon nga nagsagubang kita sa epidemya," panawagan ni Dabalos nagdto sa mga kabataan nga nabakante pa tungod sa kwarantina.

Gamita ang mga libre nga oras alang sa pagpananum aron mahimong produktibo, ug dili na maguol sa maani kay may mga programa usab ang ahensya sa Kadiwa ni Ani at Kita on Wheels.

Ang Kadiwa ni Ani At Kita usa ka programa sa direktang sistema sa pagpamaligya sa DA nga magseguro nga maabut ra sa konsumidor ang barato ug lab-as nga pagkaon samtang makuha usab sa mga namaligyang mag-uuma ang labing maayong presyo alang sa iyang produkto, pinaagi sa pagpatunga sa kagamhanan.

Sa panahon nga ang kasagaran nga mga walay sarang kita, napaundang sa trabaho, ang pagpaneguro sa pagkaon maoy labing unang suliran, ug ang pagpananum sa pagkaon, lagutomon ug mga prutas dako na og ikatampo aron makab-ot sa komunidad ang presko, barato ug daling makuha nga pagkaon. (rahc/PIA-7/Bohol)

More Italy News

Access More

Sign up for The Italy News

a daily newsletter full of things to discuss over drinks.and the great thing is that it's on the house!